103 jastaǵy sozaqtyq keıýana saıası naýqanǵa qatysty

TÚRKІSTAN. QazAqparat - Sozaq aýdany Syzǵan aýylynyń 103 jastaǵy turǵyny Dúıshet Qalaýbaeva óz tańdaýyn jasady, dep habarlaıdy QazAqparat tilshisi.

Syzǵan aýylynda turatyn Dúıshet Qalaýbaeva 1919 jyly dúnıege kelgen.

Ózin tyń sezinetin áje búginde eldiń amandyǵyn, halyqtyń aýyzbirshiligin tilep otyrady.

Búgin №701 Qozmoldaq ýchaskelik referendým komıssııasy Dúıshet Qalaýbaevanyń úıinde arnaıy daýys berýdi uıymdastyrdy.

«Jasym júzden asty. El qatarly saıası naýqanǵa qatysyp, tańdaýymdy bildirdim. Shópshek kórip otyrǵan ájemin. Eldiń tutqasyn ustaǵan azamattar aman bolsyn. Beıbit zaman bolsyn»,-dedi Dúıshet áje.

Ǵasyr jasaǵan keıýanaǵa aýmaqtyq saılaý komıssııasy arnaıy syı-sııapat tabystady.

Qazirgi sátke deıin Sozaq aýdanynda 60 azamat úıinde otyryp referendýmǵa qatysa aldy.

Aıta keteıik, Mańǵystaý oblysynda da ǵasyr jasaǵan áje referendýmda daýys berdi.