«102» qyzmetine qalaı habarlasý kerek - Almaty ІІD
ALMATY. QazAqparat - Almaty qalalyq ІІD-niń resmı ókili Saltanat Ázirbek «102» qyzmetine qońyraý shalý ádisin túsindirdi, dep habarlaıdy QazAqparat tilshisi.
«102» qyzmetine qońyraý shala almaý máselesi jarty jyl buryn toqtaǵan. Izraıldik baǵdarlama satylyp alynyp, sonyń arqasynda monıtordan jelidegi qońyraýlar men qońyraý shala almaǵandar tizimi kórinip turady», - dedi Saltanat Ázirbek.
Onyń aıtýynsha, qońyraý shalýshylardyń kóbeıýine baılanysty 102 qyzmetinde táýligine birneshe operator kezekke shyǵady.
«Adamdar «102-ge» qarbalas kezde qońyraý soǵa almaıdy. Bul avtomattandyrylǵan telefon júıesi adamı faktorsyz jumys isteıdi. Eger «102-ge» habarlasqan ýaqytta jeli bos emes bolsa, onda tolassyz qońyraýdyń bolmaǵany. Tutqany qoımańyz, jeli ózińizdiki. Al qońyraý baryp tursa, kerisinshe operatorlar bos emes degen sóz. Biraq tutqany qoıa salmańyz, jelide qalyp kezegińiz kelgenin kútińiz. Kóp adamdar mundaıda qaıtadan habarlasamyn dep tutqany qoıa salady. Tıisinshe qońyraý shalǵanda kezekke qaıta turady»,-dedi Saltanat Ázirbek.
