101 jastaǵy maıdanger álemdegi eń kári parashıýtshi atandy
ASTANA. QazAqparat - 101 jastaǵy brıtandyq Braıson Ýılıam Verdýn Heıes (Bryson William Verdun Hayes) álemdegi eń kári parashıýtshi atandy.
Jasy 101-den asyp 38 kúnge jetken Heıes parashıýtpen sekirdi, dep jazadyThe Guardian basylymy. Munyń aldyndaǵy rekord 101 jas 3 kún bolǵan kezinde sekirgen kanadalyq Arman Gendroǵa (Armand Gendreau) tıesili edi.
Bir qyzyǵy, Heıespen birge onyń týystary, atap aıtqanda 74 jastaǵy uly Braıan, 50 jastaǵy nemeresi Rodjer, 21 jastaǵy shóberesi Ellı jáne 16 jastaǵy shópshegi Stenlı birge sekirgen.
Aktsııa maqsaty soǵys ardagerlerine kómektesetin The Royal British Legion qaıyrymdylyq qoryna qarjy jınaý bolǵan.
Ekinshi dúnıejúzilik soǵys kezinde Heıes Normandııaǵa túsirilgen desanttardyń qatarynda bolǵan, sondaı-aq Frantsııa, Nıderlandy, Belgııa men Germanııada aıqasty. Qurmetti legıon ordenimen marapattalǵan.
Heıes 90 jasynda parashıýt sportymen shuǵyldanǵysy kelgen. Biraq zaıyby qarsy bolǵan kórinedi. Ol alǵash ret áıeli qaıtys bolǵan soń sekirgen. Ol ýaqytta 100 jasqa kelgen edi.
