101 jastaǵy ańshy bir oqpen eki buǵyny jaıratyp saldy
ASTANA. QazAqparat - Ań aýlaýǵa shyqqan AQSh-taǵy Morgantaýn qalasynyń 101 jastaǵy turǵyny bir oqpen eki buǵyny atyp aldy. Bul týraly WHNT-TV telearnasy habarlady.
Berta Vıkers týystary aldyn ala daıyndaǵan panaǵa jasyrynǵan.
Onyń qasyna jas buǵy taıap kelgen. Biraq qart ańshy ony atpaı ózge irileýin kútken kórinedi. Al kóz aldynda úlken buǵy kólbeńdeı bergende shúrippeni basyp qalady. Artynsha qarasa, jerde bir emes eki buǵynyń sulap jatqanyn kóredi. Shamasy janýarlar qatar kele jatqan.
