№101 stantsııasyna alǵashqy LRT quramy kóterildi

ASTANA. KAZINFORM  - Búgin №101 stantsııasynda eki vagonnan turatyn jeńil relsti kólik (LRT) quramyn kóterý jumystary sátti júrgizildi.

Elorda ákimdigi málimetinshe, quramdy kóterý barlyq tehnıkalyq jáne qaýipsizdik talaptaryn saqtaı kele shtattyq rejımde ótti. Quramdy kóterý – LRT júıesin salý aıasyndaǵy josparly sharalardyń bir bóligi.

Vagondar stantsııada 2025 jylǵy qyrkúıekke josparlanǵan synaqtyq iske qosý jumystaryna deıin turady.

– LRT jobasyn iske asyrý – zamanaýı qalalyq kólik ınfraqurylymyn damytýǵa, turǵyndardyń mobıldiligi men jaılylyǵyn arttyrýǵa baǵyttalǵan. Alǵashqy quramdy kóterý – jobany júzege asyrýdaǵy mańyzdy kezeń. Biz jumys kestesine saı alǵa jyljyp kelemiz, aldaǵy kúzde LRT júıesiniń synaq jumystaryn bastaımyz, — dedi «City Transportation Systems» JShS Basqarma tóraǵasy Asylbek Dúısebaev.

2026 jyldyń 1-toqsanynda LRT resmı iske qosylady. Bul týraly Astana qalasynyń ákimi Jeńis Qasymbek aıtty.