«101» qyzmetindegi dıspetcher áıel qolónermen aınalysady
ÓSKEMEN. QazAqparat – Shyǵys Qazaqstan oblysynda «101» qyzmetindegi dıspetcher áıel qolónermen aınalysady, dep habarlaıdy QazAqparat tilshisi.
ShQO Tótenshe jaǵdaılar departamenti baspasóz qyzmetiniń málimetinshe, Dıana Bergenova «101» qyzmetinde 8 jyldan astam ýaqyt boıy dıspetcher bolyp jumys isteıdi. Bos ýaqytynda ol qolónermen aınalysady.
«Bala kúnimnen sýret salǵandy unatamyn. Qazir osy qyzyǵýshylyǵym tabys kózine aınaldy. Tusaý kesýge, qyz uzatýǵa jazýlar, buıymdar jasaımyn. Jaqsy matany, negizinen fetrdi tańdaımyn. Sebebi ol formasyn jaqsy saqtaǵandyqtan, buıym sátti shyǵady. Óz jumystarymdy tanystaryma, dostaryma, týystaryma syılaımyn»,- deıdi Dıana.
Azamattyq qorǵaý kapıtany 10 jyl ishinde túrli buıymdar jasaǵan. Dıana áriptesterine árdaıym «trendte» bolýǵa, ózderi qyzyǵatyn isterdi damytýǵa ýaqyt bólýge shaqyrdy.
