100 mlrd tg: Aqyly joldan túsken aqsha qaıda ketip jatyr

ASTANA. KAZINFORM — Elimizde jyldan jylǵa aqyly joldardyń sany artyp jatyr. Alaıda qun tólep, qaltasy juqarǵan júrgizýshiler qarjysynyń qaıda jumsalyp jatqanyn bilmeıdi. Kópshiliktiń kókeıindegi bul saýalǵa kólik mınıstrliginiń ókili jaýap berdi.

гуманитарлық жүкті тасу үшін 40-тан астам өтінім келген
Фото: Kazinform

— Bizde «QazAvtoJol» ulttyq operatory bar. Jol paıdalanýshylarynan túsken qarajattyń barlyǵy sol ulttyq kompanııanyń arnaıy esepshotyna túsedi. Joldardyń bári memleket menshigi. Odan túsken qarajat ta 100% Úkimetke tıesili. Ulttyq operator ol qarjyny joldy kútip ustaýǵa, qajetti tehnıkalardy alýǵa nemese basqa da shyǵyndarǵa jumsap otyrady. Odan basqa nársege jaratylmaıdy, — deıdi Avtomobıl joldary komıtetiniń basqarma basshysy.

Mınıstrlik ókili ótken jyly aqyly joldan qazynaǵa 48 mlrd teńge túskenin aıtty.

— Bul qarajattyń 70%-y aqyly joldardy normatıvke sáıkes kútip ustaýǵa jumsaldy. Ol joldardy kútip ustaýǵa qysty kúni qar shyǵaratyn, jazda joldaǵy qoqysty tazalaıtyn tehnıka qajet qoı. Qalǵan 30%-yna qajettilikke baılanysty osyndaı tehnıkalar satyp alyndy. Bıyl qosymsha 4 myń shaqyrymǵa jýyq aqyly joldar engizemiz. Olardyń jalpy uzyndyǵyn 7 myń shaqyrymǵa deıin jetkizý josparlanyp otyr, — deıdi Ǵabıt Shymyrbaev.

Kólik mınıstrliginiń bıylǵy josparyna sáıkes aqyly joldan túsetin aqsha 60 mıllıardqa jetpek. Al keler jyly 100 mıllıard teńge jınalýy múmkin degen boljam jasap otyr. Ǵabıt Shymyrbaev jıylǵan qarjy artylyp qalsa, qaıda jaratylatynyn da jasyrmady.

— Ázirge aqyly joldardan túsken qarjy tek joldardy kútip ustaý jumystaryna ǵana jetip jatyr. Qoldanystaǵy zańnamaǵa sáıkes, qarajat kezeń-kezeńimen jumsalady. 1-kezekte joldy kútip ustaýǵa, 2- kezekte tehnıka alýǵa, eger de osy eki shyǵynnan qarajat artylyp jatsa, jańa joldar salýdy josparlap otyrmyz, — deıdi ol.

Aıta keteıik, ótken joly aqyly joldardaǵy abonementterdiń baǵasy jáne ony alý joldaryn habarlaǵan edik

Sonymen qatar Aqyly joldar nege kóbeıip jatqanyn anyqtadyq.

Сейчас читают