"1001 túıin" dep atalatyn jańa kitap jaryq kórdi
ALMATY. 22 shilde. QazAqparat /Erlik Erjanuly/ - Búgin Almatyda "1001 túıin" dep atalatyn jańa kitaptyń tanystyrý rásimi ótti. "Altyn arqaý" mádenı-etnografııalyq qoǵamdyq birlestiginiń tóraıymy, QR Bilim berý isiniń úzdigi, jýrnalıst, etnograf Ǵalııa Qaıdaýylqyzynyń bul ekinshi kitaby.
"Bul naqyl sózderdi oqyrmannyń oıyna ottyq, sóılermenniń tiline tıek bolar degen úmitpen kitap qyp shyǵaryp otyrmyn. Onda es bilgennen es-dápterimde jazylyp saqtalǵandardy eskerip, saralap, salalap, oı eleginen ótkizip, on segizdiń sezimin alpystyń aqylymen astastyryp, shıyr-qıyr joldardy aq paraqqa aýdardym", - deıdi Ǵalııa Qaıdaýylqyzy. 1001 jumbaq, 1001 maqal, 1001 tún degen burynnan aıtylyp júrgen sózder. Avtor 1001 degendi bútindilgen dúnıe dep túıindep otyr. Ondaǵy naqyldardyń bári oqıǵalarda, túrli kezdesý men jıyndarda týǵan qanatty sózder. Onyń alǵashqy bir bóligi qalamgerdiń ótken jyly jaryq kórgen "Júrektegi tátti muń" dep atalatyn alǵashqy jınaǵyna engen bolatyn. Bul joly naqyl sózder jeke kitapqqa toptastyrylyp otyr.
