1000-ǵa jýyq jas maman memlekettik qyzmetke konkýrssyz ornalasty
ASTANA. KAZINFORM — 2023 jyldan bastap qazirgi tańǵa deıin joǵary oqý oryndarynyń 989 túlegi óńirdegi ártúrli laýazymdarǵa konkýrssyz ornalasqan, dep habarlaıdy Memlekettik qyzmet isteri agenttiginiń baspasóz qyzmeti.
Otandyq joǵary oqý oryndaryn jaqsy nátıjemen (GPA kórsetkishi 3,33 tómen emes) aıaqtaǵan túlekterdi oblystaǵy aýdan, oblystyq mańyzy bar qala (oblystyń ákimshilik ortalyǵy sanalatyn qaladan basqa) jáne aýyldyq deńgeıdegi tómengi laýazymdarǵa konkýrstan tys taǵaıyndaý tájirıbesi jastardyń memlekettik qyzmetke qyzyǵýshylyǵyn arttyra tústi.
— Osy ýaqytqa deıin túlekter mindetti túrde memlekettik grant sheńberinde oqýdy aıaqtaýy qajet bolǵan bolsa, 2026 jylǵy 1 shildeden bastap qoldanysqa engizilgen «Qazaqstan Respýblıkasynyń memlekettik qyzmeti týraly» Zańyna sáıkes, endigi kezekte mundaı múmkindikti oqýdy aqyly negizde jaqsy aıaqtaǵan túlekter de paıdalana alady, — delingen agenttik taratqan aqparatta.
Buǵan deıin memlekettik qyzmetke úmitker 73 myńnan astam kandıdattyń qanshasy ótkenin jazǵan bolatynbyz.
