100 jyldan keıin tabylǵan jumyrtqa - VIDEO
ASTANA. QazAqparat - Júz jyl buryn joǵalǵan Faberje ımperatorlyq kollektsııanyń jumyrtqasy AQSh-tan tabyldy. Álemdegi eń qymbat altyn jumyrtqa jaqyn kúnderi Londonda ótetin kóne jádigerler kórmesine qoıylady, dep habarlady 1tv.ru.
Atalǵan altyn jumyrtqany 1887 jyly ımperator III Aleksandr pasha merekesine oraı óziniń jubaıy Marııa Fedorovnaǵa syıǵa tartqan. Tóńkersten keıin ol joǵalyp ketip, arada 100 jyl ótken kezde jaqynda Amerıkadan tabylǵan. Sırek kezdesetin zergerlik óner týyndysy qara bazarda satylyp, abyroı bolǵanda basqa buıymdar jasaý maqsatynda balqytylmaı aman qalǵan desedi. Jumyrtqany satyp alǵan adam bastapqyda onyń qunyn bilmegen. Zergerlik buıymdardyń baǵasy jazylǵan tizilimnen kórgende, onyń qanshalyqty baǵaly ekenin túsinip, ony satylymǵa shyǵarǵan. Sarapshylar shedevrdiń quny shamamen 20 mln. dollardan asyp túsedi dep otyr.
