100 jylda bolmaǵan sýyq kele jatyr
ASTANA. 19 qyrkúıek. QazAqparat - Aldaǵy qys Eýropa úshin qaqaǵan aıazdarymen este qalmaq. Ondaǵy sýyq ǵasyrlyq rekordty jańartýy múmkin, dep jazady «Novye Izvestııa» gazeti.
Qysta Eýropaǵa Arktıkanyń aýa massalary yǵysady, onyń saldarynan normadan aýytqyǵan aıazdar bolady. Sonymen qatar, bul maýsymda kún belsendiligi azaıady.
Qıyr Shyǵysta da temperatýra tómendep, kóp jyldyq qalypty aýa raıy ózgerýi múmkin.
Qys bıylǵy jyly qarashanyń basynda bastalady, al birinshi qar Máskeý men Máskeý oblysynda aıdyń ekinshi jartysynda túsedi. Mızam shýaǵyn kútýdiń qajeti joq. Boljam boıynsha, qazannyń basynda kún sál jylynady, alaıda ol uzaqqa sozylmaıdy.
Ótken jylǵy maýsymdaǵy kóp jyldan beri bolmaǵan qys Eýropaǵa aýyr soqqy boldy, júzdegen adamnyń ómirin qıdy. Italııada jaýǵan qar kópshaqyrymdyq keptelisterge ákep soqtyrdy, kóptegen áýe reısteri men fýtbol matchtary keıinge shegerildi. Al Ulybrıtanııada aqpan aıynda jaýǵan qar barlyq joldardy jaýyp tastady.
