100 jyl buryn joǵalyp ketken tasbaqalar qaıta paıda boldy
ASTANA. QazAqparat - Galapagos araldarynyń quramyna kiretin Pınsonda jańa týylǵan tasbaqalar tabyldy, dep habarlaıdy 24.kz.
Janýarlardyń sırek kezdesetin bul túri osyǵan deıin tolyq joǵalyp ketken edi. Olardyń jappaı qyrylýyna aralǵa XIX ǵasyrda ákelingen qara egeýquıryqtar shabýyly sebep bolǵan. Egeýquıryqtar tasbaqalardyń uryqtary bar jumyrtqalardy jep qoıyp, qyrǵan. Pil tasbaqa dep atalatyn bul túrdiń eń sońǵysy 2012 jyly 100 jasynda ómirden ótti. Tabıǵat janashyrlary joǵalyp bara jatqan tasbaqalardy qutqarý amaldaryn jasady. Olar aralda qalǵan jumyrtqalardy jınap alyp, basqa jaqtarda ósirgennen keıin Pınsonǵa qaıtaryp otyrdy. Al ekologtar araldaǵy barlyq egeýquıryqtardy joıdy. Endi Pınsonnan jańadan týylǵan tasbaqalardy tapqan ǵalymdar: «Janýarlar óz betinshe kóbeıe beredi jáne olardyń bolashaǵyna tónip turǵan qaýip joq», - degen pikirde.
