100 JOO-nyń basshylary partaǵa qaıta otyrdy

ASTANA. QazAqparat – Qazaqstannyń 100 joǵary oqý ornynyń basshylary Nazarbaev Ýnıversıtetinde «Academic Leadership Institute» baǵdarlamasy boıynsha oqýdy bastady, dep habarlaıdy QazAqparat.

Rektorlardy oqytý – Ǵylym jáne joǵary bilim mınıstrliginiń bastamasy.

Oqý baǵdarlamasynyń bastalýyna mınıstr Saıasat Nurbek qatysty.
Onyń barysynda JOO-lardyń basshylar quramy – rektor, prorektor, dekandar jáne departament dırektorlary óz bilimderin jańartyp, joǵary oqý oryndaryn tıimdi basqarý úshin qajetti jańa daǵdylar men ınnovatsııalyq tehnologııalardy ıgermek.
«Academic Leadership Institute» baǵdarlamasy jańa bilim kózi ǵana emes, sonymen qatar joǵary bilim berýde basqarýshylyq ınnovatsııalardy taratý úshin kásipqoılardyń netvorkıngine, máselelerdi talqylaý jáne ózara árekettesýge arnalǵan tamasha alań bolady», - dep atap ótti Saıasat Nurbek.