Qazaqstanda qaýipti qaldyqtardy zertteý men baqylaý kúsheıedi
ASTANA. KAZINFORM — Qazaqstanda qaýipti qaldyqtar men turaqty organıkalyq lastaǵyshtardy zerthanalyq baqylaýdy kúsheıtý kózdelip otyr. Osy baǵytta mamandar tájirıbe almasyp, zerthanalardyń múmkindigin arttyrý jáne qaýipti qaldyqtarmen qaýipsiz jumys isteý máselelerin talqylady. Bul týraly Ekologııa mınıstrligi málim etti.
-
Qazaqstan Respýblıkasynyń turaqty organıkalyq lastaǵyshtar týraly Stokgolm konventsııasy boıynsha mindettemelerin oryndaýdyń ulttyq josparyn iske asyrý sheńberinde Ekologııa jáne tabıǵı resýrstar mınıstrligi «Senimdi provaıderden biliktilikti tekserý (zerthanaaralyq salystyrýlar): jaqyn ári qoljetimdi» atty II Halyqaralyq konferentsııaǵa qatysty.
Foto: Ekologııa mınıstrligi Konferentsııa barysynda qaýipti qaldyqtardy zerthanalyq zertteý jáne olarmen qaýipsiz jumys isteý, turaqty organıkalyq lastaǵyshtardy monıtorıngteý, sondaı-aq zerthanalyq ınfraqurylymdy damytý máseleleri qaraldy.
Foto: Ekologııa mınıstrligi -
Mınıstrliktiń bastamasymen «Jasyl damý» AQ men Qazaqstan Respýblıkasy Prezıdenti Іs basqarmasy Medıtsınalyq ortalyǵynyń Sanıtarııalyq-epıdemıologııalyq saraptama ortalyǵy arasynda yntymaqtastyq týraly memorandýmǵa qol qoıyldy.
Foto: Ekologııa mınıstriligi Memorandým turaqty organıkalyq lastaǵyshtardy monıtorıngteý jáne olarmen qaýipsiz jumys isteý salasyndaǵy ózara is-qımyldy damytý, tájirıbe almasý, sondaı-aq saraptamalyq jáne zerthanalyq áleýetti nyǵaıtýdy kózdeıdi.
Aıta keteıik, buǵan deıin Mańǵystaýdaǵy radıoaktıvti qaldyqtar nysandary baqylaýǵa alynǵanyn jazdyq.
-
