100 jasynda orta bilim týraly attestat aldy
ASTANA. QazAqparat - AQSh-tyń Massachýsets shtatynyń júz jastaǵy turǵyny Merı Monız ájeı orta bilim týraly attestat aldy. Bala kezinde ol ekinshi synypty ǵana aıaqtaı alǵan. Sebebi onyń otbasy AQSh-tan Azor araldaryna qonys aýdarǵan. Keıýana ómir boıy tarıh pániniń muǵalimi bolýdy armandaǵan, sonyń qurmetine attestat alýdy jón sanaǵan.
Monızdiń otbasy elge tek 1949 jyly ǵana qaıtyp oralǵan. Bul kezde boı jetip qalǵan Monız mekteptegi oqýyn jalǵastyrýdy ar sanap, metall konstrýktsııalardy óndirýmen aınalysatyn kompanııaǵa jumysqa ornalasqan.
Orta bilimi týraly attestatty Monızge Massachýsets shtatynyń memlekettik bilim berý komıssary tabys etti, dep habarlaıdy Lenta.ru.
