100 jastaǵy qarııa koronavırýsten jazylyp shyqty - Aqmola oblysy
KÓKShETAÝ. QazAqparat – Arshaly aýdandyq aýrýhanasynyń juqpaly aýrýlar bólimshesine COVID-19 dıagnozymen jatqyzylǵan «Shapaǵat» áleýmettik qyzmet kórsetý ortalyǵynyń 27 qarııasy jazylyp shyqty, habarlaıdy QazAqparat tilshisi Aqmola oblystyq ishki saıasat basqarmasyna silteme jasap.
Aqmola oblystyq densaýlyq saqtaý basqarmasynyń málimetinshe, naýqastardy emdeýde olardyń burynnan aýyryp kele jatqan júrek-qan tamyrlary jáne tynys alý júıesi sııaqty aýrýlary biraz kedergi keltirgen. Bul naýqastardyń kópshiligi qarttar,ekinshi toptaǵy múgedekter, toǵyzy tósekke tanylǵandar. Taǵy ekeýi ókpe qabynýdyń asqynǵan túrimen aýyrǵandyqtan jaǵdaılary aýyr hálde boldy.
«Bizdiń dárigerler naýqastarǵa erekshe qamqorlyqpen qarady. Olardyń tez saýyǵyp ketýi úshin qoldan kelgenniń barlyǵyn jasady», - deıdi juqpaly aýrýlar bólimshesiniń dárigeri Vıktor Shalaev.
Dárigerlerdiń atap ótýinshe, elimizdegi eń qart naýqas osy jyly 5 mamyrda 100-ge tolady. Ol osydan birneshe kún buryn «koronavırýs ınfektsııasynyń jeńil túri» dıagnozymen aýrýhanaǵa jatqyzylǵan bolatyn.
Aıta keteıik, búgingi kúni Aqmola oblysynda 60 adam koronvırýsten jazylyp shyqty. Taǵy 8 naýqasty aldaǵy kúnderi shyǵarý josparlanǵan.
