100 jáne 200 eýrolyq jańa banknottar qoldanysqa endi
BRıÝSSELЬ. QazAqparat - 28 mamyrdan bastap eýroaımaq elderinde nomınaly 100 jáne 200 eýrolyq jańa banknottar qoldanysqa endi. Sáıkes málimdeme Eýropalyq ortalyq bankiniń (EOB) saıtynda jarııalandy, dep habarlaıdy QazAqparattyń menshikti tilshisi.
Jańarǵan banknottar burynǵy túsin saqtap qalǵan jáne qosymsha qorǵaıtyn elementtermen qamtylǵan.
«Banknottyń kúmis tústes jolaǵynyń joǵarǵy jaǵynda € sımvoly bar. Ol qaǵaz aqshany eńkeıtkende, sannyń jan-jaǵyn aınala qozǵalyp, sáýle tikeleı túskende anyq kórinedi. Kúmis tústes jolaqta Eýropa portreti, sáýlettik saryn men € úlken sımvoly bar», - delingen EOB habarlamasynda.
Jańa banknottardaǵy nomınal sany zúmiret tústes jáne úlken qarippen jazylǵan. Banknotty eńkeıtkende, sannyń ishinen € belgisi paıda bolady.
Olardyń eni de ózgergen - eki banknottyń kólemi 50 eýrolyq qaǵaz aqshamen birdeı bolady. Olardy ámııanǵa salý jeńildeı túsedi.
Atalyp ótilgendeı, burynǵy úlgidegi 100 jáne 200 eýrolyq banknottar zańdy tólem quraly bolyp qala bermek jáne aqyryn qoldanystan shyǵaryla bastaıdy.
