«100 jańa oqýlyq» rýhanı jańǵyrýdyń naqty quraly - sarapshy pikiri

ASTANA. QazAqparat - QR Tuńǵysh Prezıdenti - Elbasy qory janyndaǵy Álemdik ekonomıka jáne saıasat ınstıtýtynyń sarapshysy Orazǵalı Selteev «Jańa gýmanıtarlyq bilim. Qazaq tilindegi 100 jańa oqýlyq» jobasynyń júzege asyrylýyna qatysty pikir bildirdi, dep habarlaıdy QazAqparat atalǵan ortalyqqa silteme jasap.

«Rýhanı jańǵyrý» baǵdarlamasy aıasyndaǵy barlyq jobalardyń ishinde munyń naqty nátıjeli tıimdiligi anyq baıqalady. Birinshiden, qazaq tildi ǵylymı-bilim júıesiniń mazmundy qaıta júktelýi jaıynda aıtýǵa bolady. Óıtkeni, áli kúnge deıinoqý materıaldarynyń tapshylyǵy bilim ber sapasyna tikeleı áser etip otyr. Gýmanıtarlyq ǵylymnyń atalǵan kitaptary álemniń úzdik ýnıversıtetteriniń bilim berý baǵdarlamasyna kiretindigin atap ótken jón», - dedi Orazǵalı Selteev.

Onyń aıtýynsha, ekinshiden, bul kitaptardyń qazaq tiline aýdarylýy tildik kedergilerdi joıady. Endigi ýaqytta aǵylshyn tilin bilmeıtin qazaq tildi jastarǵa álemdik ǵylymnyń oı-órisindegi eń joǵary jetistikter ashylyp otyr.

«Úshinshiden, biz sanany jańǵyrtý jaıynda aıtqan kezde kitap dál osy protsestiń naqty quraly bolatyndyǵyn túsiný qajet. Basqa sózben aıtar bolsaq, bul synı jáne saraptamalyq dúnıetanymnyń qalyptasý , jańa tujyrymdar men ıdeıalar engizý, qazirgi zamanǵy progresshil bilimge qoljetimdilikti keńeıtý tetigi sanalady», - dedi sarapshy.

Sonymen qatar ol 100 kitappen toqtap qalmaý da mańyzdy ekendigine nazar aýdardy.

«Álemdik ǵylymı joǵary jedeldikpen qarqyndy damýda. Laıyqty irgeli jumystar men jańa zertteýler barynsha jetkilikti. Sondyqtan mundaı kitaptardy júıeli túrde aýdaryp otyrý qajet. Biraq, eń bastysy bul mazmunyn sapaly túsindirýge zııanyn tıgizbeýi tıis. ıAǵnı, bir tildenekinshisine aýdarylatyn mátinniń bastapqy mánin saqtaý óte mańyzdy», - dedi Orazǵalı Selteev.

Esterińizge sala ketsek, 12 sáýirde «Qazaq tilindegi 100 jańa oqýlyq» jobasy aıasynda aýdarylǵan alǵashqy kitaptar QR Prezıdenti Nursultan Nazarbaevqa tanystyrylǵan bolatyn.