100 jańa oqýlyq: Ǵalymdar «Ádebıet teorııasy» jınaǵyn talqylady
Konferentsııada kirispe jáne 4 tomdyq antologııadan turatyn «Ádebıet teorııasy» jınaǵyn aǵylshyn tilinen qazaq tiline aýdarý kezindegi jumystar saralandy. Aýdarma sapasy, jańa ǵylymı uǵymdar, termınder qoldanysy sóz boldy. Ǵalymdar bir top batys ádebıetshileri daıyndaǵan eńbektiń mazmuny men qurylymyna jáne olardy oqý baǵdarlamasyna engizý máselelerine keńinen toqtaldy.
«Bul eńbek AQSh pen Anglııada úsh ret basylyp shyqqan. Kitap avtorlary Djýlı Rıvkın men Maıkl Raıan. Ekeýi de tájirbıeli ustaz. Ár qaısysy 20 jyldan astam ýaqyt kolledjder de dáris bergen. Atalǵan jınaqtardyń aýqymy keń. Bul kitaptar ádebıettanýdy basqa salalarmen baılanystyra otyryp, oǵan anaǵurlym keń kózqaras qalyptastyrady», -dedi fılologııa ǵylymdarynyń doktory Kenjehan Matyjanov.
Ǵalymdar men ádebıetshiler bul eńbekterdiń qazaq tiline aýdarylýy qazaqstandyq ádebıet salasy men ǵylymı ortanyń damýyna, tilimizdiń zamanǵa saı áleýetin arttyrýǵa zor úles qosatynyn atap ótti.
«Antologııanyń ekinshi tomyndaǵy men erekshe nazar aýdarǵan taqyryptar R. Barttyń «Avtordyń ólimi» jáne «Shyǵarmadan mátinge» taqyryptarynda usynylǵan mańyzdy tujyrym-taldaýlary boldy. Sondaı-aq, «Bılikke qushtarlyq» ataýymen engen F.Nıtssheniń, «Dıfferans», «Qaterli tolyqtama» taqyrybyndaǵy Jak Derrıdanyń, «Tús jorý» men «Tylsym» tujyrymdary búgingi ádebı týyndy tabıǵatyn taný úshin de, teorııalyq taldaýlar negizderin qalyptastyrý úshin de qajetti dúnıeler»,-dedi fılologııa ǵylymdarynyń doktory Janat Áskerbekqyzy.
«Jańa gýmanıtarlyq bilim. Qazaq tilindegi 100 jańa oqýlyq» jobasy aıasynda 48 oqýlyq aýdaryldy.