100 jańa oqýlyq: Ár oqýlyq 10 myń danamen shyǵarylady

NUR-SULTAN. QazAqparat - Qazaq tiline aýdarylǵan 100 jańa oqýlyq elimizdegi 132 oqý ornyna taratylady. Bul týraly «Qazaq tilindegi 100 jańa oqýlyq: pragmatızm men sananyń ashyqtyǵyna aparar jol» taqyrybynda ótken onlaın konferentsııada aıtyldy, dep habarlaıdy QazAqparat tilshisi.

«Bizdiń ýnıversıtettiń kitaphanasynda Ulttyq aýdarma bıýrosynyń 48 oqýlyǵy bar. Eýrazııa ulttyq ýnıversıtetinde 19 myńnan asa bilim alýshy bar desek, sonyń 60%-nan joǵarysy - qazaq bóliminde oqıtyndar. Oqýlyqtardy aýdarýǵa bizdiń oqý oryndarynyń ǵalymdary da úles qosty», - deıdi L.Gýmılev atyndaǵy Eýrazııalyq ulttyq ýnıversıtetiniń prorektory Dıhan Qamzabekuly.

Ulttyq aýdarma bıýrosy qoǵamdyq qorynyń atqarýshy dırektory Raýan Kenjehanulynyń qazaq tiline aýdarylǵan oqýlyqtar joǵary oqý oryndaryna qalaı taratylatyny týraly aıtty.

«QR Bilim jáne ǵylym mınıstrligi bizge 132 oqý ornynyń tizimin berdi. Ár oqý ornyndaǵy stýdentterdiń sanyna, oqýlyqtardyń baǵytyna qaraı taratý tártibi bar. Oqýlyqtardy oqý oryndaryna taratý bizdiń moınymyzda. 132 oqý ornynyń ishinde memlekettik oqý orny da, jeke menshik oqý orny da, mamandanǵan arnaıy oqý oryndary da bar. Ár oqýlyqtyń taralymy - 10 myń dana. Kitaphanada oqýlyq jetpeı jatqan jaǵdaıda smartfonnan ǵalamtorǵa kirip, taýyp oqýǵa bolady», - deıdi ol.