«100 jańa esimge» qosýǵa laıyqty jastar ár aýylda bar - polıtsııa ardageri

ShYMKENT. QazAqparat - Ońtústik Qazaqstandyq polıtsııa ardageri Qasymhan Aqtaev Elbasynyń «Bolashaqqa baǵdar: rýhanı jańǵyrý» atty maqalasy jaıynda pikirin bildirdi. Es bilgeli el tynyshtyǵyn kúzetken el aǵasy maqaladaǵy «100 jańa esim» jobasy kóńilinen shyqqanyn aıtady, dep habarlaıdy QazAqparat HAA tilshisi.

Qasymhan Aqtaevtyń sózinshe, atalǵan joba arqyly qoǵamnyń nazaryn qazirgi zamannyń iri tulǵalaryna aýdarýǵa bolady. Olardyń ómiri ár qazaqstandyqtyń óz armanyna jetý jolyndaǵy baǵdaryna aınalýy tıis.

Ardagerdiń pikirinshe, «100 jańa esim» tizimine el damýyna úles qosyp júrgen jastardy da qosqan durys. Olardyń eńsesin tiktep, osy baǵyttan taıdyrmaý úshin yntalandyryp, jigerlendirip otyrý mańyzdy.

«Baıaǵyda eńbek eri bolǵan, batyrlar bolǵan. Al, qazir ár aýylda «100 jańa esim» qataryna qosýǵa turarlyqtaı jastar ósip kele jatyr. Olar batyr atanǵan el aǵalaryna, apalaryna uqsap boı túzeıdi. Ónegeli jastardyń izimen óskeleń urpaq júredi. Sondyqtan tárbıelik mańyzy zor sharany jastardyń arasynda kóbirek nasıhattap, qolǵa alǵan durys»,-deıdi polıtsııa ardageri Qasymhan Aqtaev.