«100 jańa esim» jobasynyń ekinshi kezeńinde jastarǵa basymdyq beriledi

ASTANA. QazAqparat - «Qazaqstannyń 100 jańa esimi» jobasynyń ekinshi kezeńinde jastarǵa basymdyq berilmek. Bul týraly jastar uıymdarynyń basshylarymen kezdesý kezinde «Qazaqstan 2050» jalpyulttyq qozǵalysy keńesiniń tóraǵasy Muhtar Mankeev aıtty, dep jazady Habar 24.

Qazir «100esim.el.kz» portalynda qatysýshylardan ótinim qabyldaý bastaldy. Naýqan qazan aıynyń ortasyna deıin jalǵasady. Artynsha, qazaqstandyqtar onlaın daýys berý arqyly el damýyna eleýli eńbek sińirip júrgen otandastarynyń júzdigin tańdaıdy. 

«Bul jerdegi ózgeris byltyrǵy jylǵa qaraǵanda, jasy 18-ge tolǵan, ár sala boıynsha óziniń jetken jetistikterimen maqtana alatyn azamattar qatysa alady. Al byltyrǵy jyly osy azamattar ózderin jeke tulǵa retinde usyna alatyn bolsa, bıyl ár azamattardy kez kelgen uıym óziniń atynan usyna alatyn bolady. Osyndaı erekshelikteri bar», - dedi QR QDM Jastar jáne otbasy komıtetiniń basqarma basshysy Maqsat Májıtov.