«100 jańa esim» jobasy boıynsha daýys berýdiń aıaqtalýyna 8 kún qaldy
Daýys berýge 302 kandıdat usynylǵan, olar qyzmet salasy boıynsha 6 sanatqa bólingen: ǵylym - 45 adam, sport - 42 adam, qoǵam - 86 adam, medıtsına - 46 adam, mádenıet - 37 adam jáne bıznes - 46 adam. Daýys berýge usynylǵan kandıdattar Astana, Almaty qalalaryn jáne barlyq oblystardy qamtydy.
Búginge deıin joba qatysýshylaryna 65 602 adam 136 238 daýys berildi. Saıtqa kirgen ár paıdalanýshy ár sanat boıynsha 3 adamǵa daýys bere alady, ıaǵnı ár adamnyń 18 qatysýshyǵa daýys berýge múmkindigi bar.
Sonymen qosa, EL.KZ ınternet jobasynyń redaktsııasy aptanyń demalys kúnderi saıyn daýystardy qabyldaý boıynsha oflaın-aktsııa ótkizýde. Ótken aptada, ıaǵnı qazan aıynyń 29-y kúni redaktsııa qyzmetkerleri MEGA Silk Way OSO-da daýys berýdiń jyljymaly pýnktin uıymdastyryp, adamdarǵa joba kandıdattary týraly aıtyp berip, daýys berý protsesin túsindirdi. Kelesi kezekti aktsııa 4 qazanda MEGA Silk Way OSO-da ótedi.
Búginge deıin eń kóp daýys jınaǵandar arasynda Shymkent qalasynyń kásipkeri, metsenat Qaırat Moldaseıitov (3989 daýys), Almaty qalasynda turatyn jas kompozıtor, pıanıst Rahat-Bı Abdysagın (3242 daýys) jáne Shyǵys Qazaqstan oblysynda aýyl sharýashylyńymen aınalysatyn kásipker Qýanysh Súleımenov (3076 daýys) bar.
«Qazaqstannyń 100 jańa esimi» jobasy týraly
«Qazaqstannyń 100 jańa esimi» jobasyn iske asyrý nátıjesinde zamanaýı Qazaqstannyń damýyna qomaqty úles qosqan adamdardyń naqty tarıhy mysalynda qoǵamda tabystylyq ıdeıalaryn, merıtokratııa, básekelestik prıntsıpterin, bilim jáne pragmatızm kýltyn nasıhattaý jáne damytý arqyly qoǵam sanasyn rýhanı jańǵyrtý kózdeledi.
«Qazaqstannyń 100 jańa esimi» tizimine kim kiredi?
Jobanyń barlyq qatysýshylary - óz armanyna jetýge jáne jetilýge ynta-qulshynysy men jigeri zor otandastarymyz. Bul adamdardyń barlyǵy eleýli tabysqa jetip, bidiń qoǵamymyzdyń damýyna úlesterin qosyp otyr. Mundaı jetistikke olar óz bilimi men qajyrly eńbeginiń arqasynda jetip otyr. Osy jandar ózderiniń isi arqyly óz otandastaryna úlgi bolýǵa ábden laıyq. Bul tabys tarıhtarymen kózge túsken naqty esimder kez kelgen statıstıkadan senimdirek, kez kelgen motıvatsııalyq koýchten áserlirek.
«Qazaqstannyń 100 jańa esimi» merıtokratııalyq qoǵam qurylysyna ekpin beredi, sebebi ár adam óziniń kásibı biliktiligi men memlekettiń damýyna úlesi negizinde tulǵalyq áleýetin iske asyrý múmkin ekenin óz úlgisi arqyly kórsete alady.
