100 turǵyny bar aýylǵa 2,6 mln týrıst kelgen: Nıderlandydaǵy aýylǵa kirý aqyly bolmaq

ASTANA. KAZINFORM — Bıyl Zaanse-Shans aýylyna 2,8 mıllıon týrıst kelýi múmkin. Jergilikti bılik bul tym kóp dep esepteıdi. Bul týraly BBC agenttigi jazdy.

Kóptegen tarıhı jel dıirmeni ornalasqan Nıderlandydaǵy kishkentaı Zaanse-Shans aýylynyń turǵyndary kelýshilerdiń sheksiz aǵynyna tótep bere almaıtyndaryn aıtady.

Bul aýylǵa Amsterdam arqyly ońaı, ári tez jetýge bolady. Eýropadaǵy eń tanymal eldimekenniń 100 turǵyny bar. Aýyl óte kishkentaı bolǵanymen, byltyr munda álemniń túkpir-túkpirinen 2,6 mıllıon týrıst kelgen.

Jergilikti keńes munshalyqty kóp saıahatshynyń kelýi shekten tys dep sanaıdy. Sondyqtan kelesi kóktemnen bastap Zaanse-Shanstyń kórikti jerlerin kórgisi keletin kelýshiler aýylǵa kirý úshin 17,50 evro tóleýge mindetti bolady.

— Mundaı shekteý álemde az bolsa da, bar tájirıbe. Bizge 2017 jyly 1,7 mıllıon týrıst keldi, al bıyl 2,8 mıllıonǵa jetýi múmkin. Biraq bizdiń aýyl óte kishkentaı! Bizde mıllıondaǵan adamǵa oryn joq, — deıdi jergilikti murajaı dırektory Marıke Verveı.

Aıta keteıik, Qazaqstan Haınan týrıstik baǵyty boıynsha úzdik úshtikke kirdi.