100 oqýlyq: Qazir boı jarystyratyn emes, oı jarystyratyn zaman - Meırambek Qıyqov

KÓKShETAÝ. QazAqparat - «Jańa gýmanıtarlyq bilim. Qazaq tilindegi 100 jańa oqýlyq» jobasy - elimizdiń keleshek urpaǵy úshin jasalyp jatqan ıgi sharalardyń biri. Mundaı pikirdi Aqmola oblysynyń «Qazaq tili men mádenıeti» qoǵamdyq birlestiginiń tóraǵasy Meırambek Qıyqov bildirdi, dep habarlaıdy QazAqparat tilshisi.

Onyń sózinshe, elimizdiń básekelestikke saı ári álemniń aldyńǵy qatarly memleketterimen terezesi teń bolýy úshin, keleshek jastarymyzdyń bilimdi, saýatty bolǵany mańyzdy. Ol úshin osyndaı úlken dúnıelerdi, sheteldegi úlken jańalyqtardy, ǵylymı jobalardy  avtordan aına qatesiz tikeleı aýdaryp, halyqqa, keleshek jastarǵa ózimizdiń qazaq tilinde jetkizý quptarlyq.

«Osy kúni álem qalassıkteriniń ádebı týyndylaryn qazaq tilinde oqýǵa bolady. Máselen, O.Balzak, G.Mopassan, V.Gıýgo, Dj.London, L.Tolstoı, A.Chehov, I.Týrgenev tárizdi álemge áıgili kóptegen klassıkter men belgili orys jazýshylarynyń eńbekterin oqymaǵan adamdar kemde-kem. Bular óz zamanynyń shedevrin dúnıege ákelgender. Biraq, ǵylym men bilim qaryshtap damyǵan zamanda jalǵyz ádebıet qana emes, kez kelgen saladaǵy jetistikter men úlken dúnıelerdi oqyp bilgenimiz mańyzdy. Qazaqta «Bilekti birdi jyǵady, bilimdi myńdy jyǵady» degen ataly sóz bar. Kez kelgen memlekettiń bolashaǵy - bilimdi jastar. Bilimsizdiń - kúni qarań. Kózi ashyq, kókiregi oıaý kez kelgen bilimdi urpaq óz Otanyn damý jolynda aıanbaı ter tógýi tıis. Qazir boı jarystyratyn emes, oı jarystyratyn zaman. Sondyqtan, Elbasynyń bastamasymen qolǵa alynǵan «Jańa gýmanıtarlyq bilim. Qazaq tilindegi 100 jańa oqýlyq» jobasy elimizdiń keleshek urpaǵy úshin jasalynyp jatqan ıgi sharalardyń biri dep esepteımin», - deıdi M.Qıyqov.