100 oqýlyq: Álemdik standartty elimizdiń bilim berý salasyna engizemiz - Knıaz Mırzoev

ALMATY. QazAqparat - Fılologııa ǵylymdarynyń doktory, QR Qoǵamdyq ǵylymdar akademııasy men Halyqaralyq ǵylymdar akademııasy joǵarǵy mektebiniń akademıgi, professor Knıaz Mırzoev «Qazaq tilindegi 100 jańa oqýlyq» jobasynyń mańyzdylyǵy jaıly áńgimelep berdi, - dep jazady QazAqparat tilshisi.

Knıaz Mırzoevtiń aıtýynsha, Qazaqstannyń bilim berý salasy jyl ótken saıyn damýdyń jańa belesin baǵyndyryp keledi.

«Prezıdenttiń álemdegi úzdik oqýlyqtardy memlekettik tilge tárjimalaý týraly ıdeıasy qazaq tilinde qundy maǵlumat alý múmkindigin beredi. Memlekettik tildegi álemniń úzdik oqýlyqtaryn paıdalana otyryp, lektsııa ótý bizdiń ǵalymdarymyz ben ustazdarymyz úshin úlken mártebe. Endi olarǵa ózge tilden málimet aýdarýdyń qajeti joq. Osylaı, baǵdarlamanyń arqasynda, álemdik standartty elimizdiń bilim berý salasyna engizemiz»,- deıdi Knıaz Mırzoev.

Akademıktiń aıtýynsha, «Qazaq tilindegi 100 jańa oqýlyq» jobasy oqýshylar men stýdentterge álemniń úzdik oqýlyqtarynyń kómegimen bilim alyp qana qoımaı, ártúrli ǵylym salalarynda jan-jaqty bilimin nyǵaıtýǵa septigin tıgizedi.

«Ǵalymdar oqýlyqty basylymǵa daıyndaý kezinde eren eńbek etti. «100 jańa oqýlyq» jobasy aýdarmashylar mektebin tiktep, salanyń damýyna jańa ımpýls bererine senemin. Al jobanyń ózi qoǵamdyq ǵylymdy damytý aıasynda jumys isteıdi. Baǵdarlama qazaqstandyqtardyń jańa rýhanı qundylyqtarynyń jańǵyrýyna baǵyttalyp, kez kelgen talap men qaterge daıyn bolýǵa daıyndaıdy», - deıdi Knıaz Mırzoev.

Sondaı-aq, ol osy syndy jobalardyń zamanaýı mýltımedıalyq qoldaýmen júzege asyrylýy tól málimetke qazaq tilinde sheksiz qol jetkizip, damyǵan elderdiń deńgeıine jetýge múmkindik beretinin tilge tıek etti.

Avtory: Albert Ahmetov