«100 naqty qadamǵa» túzetýler engizilmeıdi - N. Nyǵmatýlın
Baıandama barysynda Májilis tóraǵasy Parlamenttiń aldyndaǵy mańyzdy mindetterine de toqtalyp ótti. Onyń aıtýynsha, Ult jospary «100 naqty qadamdy» zańnama arqyly qoldaý - zań shyǵarýshy bıliktiń basym baǵyttarynyń biri bolyp qala beredi.
«Jahandyq ekonomıkalyq jáne saıası qaterler qaýpi artyp otyrǵan búgingi kúni Elbasy aıqyndaǵan bes ınstıtýttyq reformany tıimdi júzege asyrýdyń mańyzy zor. Parlamenttiń aldyńǵy shaqyrylymy Ult jospary aıasynda memleketti, ekonomıkany, qoǵamdy damytýǵa baǵyttalǵan, jańa quqyqtyq ortany qalyptastyratyn zańdardy qabyldap, aǵymdaǵy jyldyń qańtarynan bastap 59 zań kúshine endi. Alaıda, aǵymdaǵy sessııany ashý barysynda Elbasy qandaı da bir mindetterdi oryndaý tejelip qalýy múmkin ekenine alańdaýshylyq bildirgen bolatyn. Atap óterligi, Elbasy aıqyndap, júzege asyrýdy tapsyrǵan «100 naqty qadamnyń» eshqaısysyna túzetý engizilmeýi kerek. Sondyqtan da, depýtattar birinshi sessııa barysynda Ult josparyn júzege asyrýdy qamtamasyz etetin onǵa tarta zańdy qabyldaǵan bolatyn», - dedi N. Nyǵmatýlın.
Spıkerdiń aıtýynsha, «100 naqty qadam» Ult josparyn júzege asyrýǵa baǵyttalǵan jumystar aldaǵy ýaqytta jalǵasyp qana qoımaı, salmaqty ári júıeli deńgeıge shyǵatyn bolady. «Bul úshin barlyq 59 zańnyń júzege asyrylýyn baqylaý úshin Májilis depýtattary naqty bekitiletin bolady. Olar osy zańdardyń oryndalýyna monıtorıng júrgizedi. Qajet bolǵan jaǵdaıda biz atalǵan zańdardy jetildirý máselesin de qarastyratyn bolamyz. Bul mańyzdy sharalardy úılestirý jumysy komıtet tóraǵalaryna júkteledi», - dedi N.Nyǵmatýlın.
