100 naqty qadamdy júzege asyrý úshin jańa Parlament kerek - Ǵ.Nyǵmetov
ASTANA. QazAqparat - Memleket basshysy Nursultan Nazarbaev usynǵan bes ınstıtýttyq reforma aıasynda "Ult jospary - 100 naqty qadam" baǵdarlamasyn tıimdi júzege asyrý úshin jańa Parlament kerek, - deıdi Parlamenttiń ózin-ózi taratý týraly usynysyna qatysty pikirin bildire otyryp, «Halyqaralyq baǵdarlamalar ortalyǵy» AQ prezıdenti, «Bolashaq» baǵdarlamasynyń əkimshisi Ǵanı Nyǵmetov.
"Búgin jańalyqtardan estip jatqanymyzdaı, depýtattar Prezıdentke kezekten tys parlamenttik saılaý ótkizý týraly usynysyn aıtypty. Óz basym "Bolashaq" stıpendııasynyń túlegi retinde, jas azamat retinde bul sheshimdi qoldaımyn. Búgin dúnıede, jalpy, jahandyq ekonomıkada bolyp jatqan qubylystarǵa bul durys jaýap dep oılaımyn. Ózderińiz bilesizder, əlemdik saıasat pen ekonomıkadaǵy qolaısyz jaǵdaılarǵa tótep berý úshin Prezıdent Ult jospary - 100 naqty qadam baǵdarlamasyn usynǵan. Mine, osy 100 naqty qadamdy tıimdi júzege asyrý úshin jańa Parlament kerek. Parlamentke osy ekonomıkalyq problemalardy jaqsy túsinetin, reformalardy qoldap, ony iske asyratyn jańa depýtattar kerek. Sondyqtan, ýaqyt joǵaltpaı, kezekten tys parlamenttik saılaý ótkizip, Parlamentimizdi saılap alýymyz kerek", - deıdi Ǵ.Nyǵmetov.
Esterińizge sala keteıik, búgin, 13 qańtar kúni tańerteń Parlament Elbasy N.Nazarbaevqa ózin-ózi taratý týraly Úndeý arnady.
