«100 naqty qadam» Ult josparyn júzege asyrýda 234 ǵylymı joba oryndaldy - QR UIA
Konferentsııa jumysyna akademıkter: R.Alshanov, K.Abdýllaev, M.Bekmaǵambetov, M.Bıtımbaev, A.Bolotov, A.Djomartov, A.Kýlıbaev, N.Nádirov, A.Tóleshov, A.Tatyǵulov jáne oblystyq fılıal basshylary qatysty.
«Memleket basshysynyń bastamalaryn júzege asyrýda ınjenerlik salanyń mańyzy zor. Údemeli ındýstrıaldy damý memlekettik baǵdarlamasyn júzege asyrýda ınjenerlik josparlar men baǵdarlamalardyń júzege asýy mańyzdy. Transporttyq salanyń jumysy jaıly aıtsaq, Batys Eýropa Batys Qytaı megajobasy júzege asýda, birneshe joba óndiriske engizilip jatyr. Atap aıtsaq, 34 joba oryndaldy, jalpy akademııa boıynsha 235 joba, 18 ǵylymı baǵdarlama oryndaldy», - dedi QR UIA prezıdıýmynyń bas ǵylymı hatshysy, ekonomıka ǵylymdarynyń doktory Gúlbazar Medıeva.
Onyń aıtýynsha, atalǵan akademııa Astanada ótetin EKSPO-2017 kórmesi qarsańynda WSEC-2017 aýqymdy ınjenerlik kongres ótkizýdi josparlap otyr. Jıynǵa dúnıeniń tórt buryshynan belgili ǵalymdar jınalmaq.
«Negizgi qaralatyn másele jasyl energetıka, keleshektiń energııasy. Qazirdiń ózinde ınjenerlik kongresske Irena uıymdary, Mastar ýnıversıteti qyzyǵýshylyq tanytyp, bizben birge ótkizedi. UIA byltyr qyrkúıekte úlken munaı gaz konferentsııasyn ótkizdi. Qytaı ınjenerlik akademııasy men QR UIA arasyndaǵy memorandým sheńberinde Sınopek, SNPS bizdiń kogresske úlesin qosyp jatyr», - dedi ol.
