«100 naqty qadam» Qazaqstannyń damýyndaǵy «alyp sekiris» bolady - Izraıldiń jetekshi ekonomısi

ASTANA. QazAqparat - Búgin ÚІІІ Astana ekonomıkalyq forýmynyń Jalpy otyrysynda sóz sóılegen JPMorgan Chase International korporatsııasynyń tóraǵasy, Izraıldiń jetekshi ekonomısteriniń biri Djeıkob Frenkel «100 naqty qadam» Ult josparyn Aıda jasalǵan qadammen teńestirdi.

«Eger de Qazaqstan «Bes ınstıtýtsıonaldyq reformany júzege asyrýdyń 100 qadamy» josparyn júzege asyra alsa, onda ol damýdaǵy óte úlken jetistikke jeteleıdi. Ózderińiz bilesizder, Aıǵa eń alǵash qadam basqan Nıl Armstrong «bir adamnyń jasaǵan kishkentaı qadamy barlyq adamzat úshin jasalǵan uly qadammen para-par» degen bolatyn. Ol bir ǵana qadam týraly osylaı aıtty. Al biz búgin 100 qadam týraly aıtyp otyrmyz jáne bul jaı ǵana qadamdar emes, Qazaqstannyń damýyndaǵy «alyp sekiris» bolady. Osynda otyrǵan azamattardy, Prezıdentti, Úkimet múshelerin jaqsy bilemin, sondyqtan bul qadamdar jetistikke jetkizetinine senemin», - dedi Frenkel.