100 myńnan astam túrkistandyq kredıtin tóleı almaı júr

TÚRKІSTAN. QazAqparat – Búgingi tańda 690 myńnan astam túrkistandyqtyń nesıesi bar. Onyń 111 myńnan astamy bank aldyndaǵy ýaqytyly tólemegen. Bul týraly Memlekettik kirister komıteti málim etti, dep habarlaıdy QazAqparat tilshisi.

Komıtet dereginshe, halyqaralyq tájirıbege saı, óziniń bankrottyǵyn jarııalaý 3 kezeń boıynsha rásimdeledi.

Birinshisi – azamattyń bank, mıkroqarjy uıymdary jáne kollektorlar aldyndaǵy bereshek somasy 4,9 mln teńgeden aspaýy tıis. Sonymen qatar, boryshkerdiń múlki bolmaýy kerek. Bul jaǵdaıda qaryzy bar adam tıisti rásimdi júrgize alady.

Ekinshisi - sot bankrottyǵyn 4,9 mln teńgeden astam qaryzdary bar azamattar da qoldana alady. Eger bul oraıda boryshkerdiń múlki bolsa, onda ol saýda-sattyq maqsatyna berilýi tıis. Keıin odan túsken qarajat kredıtorlar aldyndaǵy boryshty óteýge jiberiledi.

Úshinshisi - turaqty tabysy bar adamǵa qaryzdy 5 jylǵa deıin bólip tóleý múmkindigin usyný. Bul rásimder qarjy basqarýshysymen birlesip ázirlenedi jáne sotta bekitiledi. Ol úshin boryshker men kredıtordyń kelisimi qajet.

Eske salaıyq, azamattar bankrottyq týraly rásimderdi 7 jylda bir ret qana qoldana alady. Sondaı-aq, bankrot dep tanylǵan azamat bir jyl ishinde qarjylyq saýattylyq kýrstarynan ótýge mindetteledi.