100 myńǵa jýyq astanalyq jalpyqalalyq senbilikke qatysýda (FOTO)
ASTANA. QazAqparat - Búgin Astanada ekologııalyq aılyq aıasynda «Biz taza qalany qoldaımyz» ekologııalyq senbiligi ótýde. Kóktemgi tazalyqqa 90 myńnan astam qala turǵyndary shyqty, elordanyń kommýnaldyq sharýashylyq qyzmetkerlerimen birge qala turǵyndary kóshelerdi, jaıaýjoldar men aýlalardy tazalaýda.
Bul týraly Astana qalasy ákimdiginiń resmı saıty habarlady.
Oqýshylar saraıyna irgeles aýmaqta Astana ákimi apparaty men qalalyq máslıhat qyzmetkerleri 350 túp aǵash otyrǵyzdy. Elorda ákimi Ádilbek Jaqsybekov te jalpyqalalyq senbilikke qatysty. Ákimniń aıtýynsha, ekologııalyq aktsııalar bárinen buryn elorda turǵyndarynyń adamgershilik qundylyqtarynyń qalyptasýyna yqpal etedi.
- Biz barlyǵymyz týǵan úıimizge, qalamyzǵa degen qamqorlyqty tárbıeleýimiz qajet. Árbir adam kóshelerdi retke keltirý tek kommýnaldyq qyzmet jumysshylarynyń ǵana emes, Astananyń árbir turǵynynyń paryzy ekenin túsinýge tıis. Elordanyń abattandyrylýy men sanıtarlyq jaǵdaıy qazirgi tańda bizdiń jumysymyzdaǵy basty tapsyrmalardyń biri, - dedi elorda ákimi.
«Biz taza qalany qoldaımyz» ekologııalyq senbiligine 92 000 adam, 5 000 kásiporyn men uıymdar, 45 joǵary jáne orta mamandandyrylǵan oqý oryndary, 124 mektepke deıingi jáne jalpy bilim beretin mekemeler, 58 densaýlyq saqtaý mekemesi, 161 memlekettik mekeme, vedomstvolar jáne ulttyq kompanııalar qatysyp jatyr. Senbilikke qatysýshylar qajetti quraldarmen (kúrek, tyrna), qolǵaptar men qoqysqa arnalǵan qaptarmen qamtamasyz etildi.
Senbilik kezinde 3 645 iri kólemdi aǵash kóshetteri otyrǵyzylady (qyzyl tal, tatar úıeńkisi, qaraǵaı, qaıyń, emen, pıramıdaly terek, sheten):
- «Almaty» aýdanynda 1489 aǵash otyrǵyzylady (523 aǵash №46 kóshe boıynda, 576 aǵash Esil ózeniniń oń jaq jaǵalaýyndaǵy saıabaqta, 350 aǵash Oqýshylar saraıyna irgeles aýmaqta, 40 aǵash Toqpanov kóshesi boıynda);
- «Esil» aýdanynda 1 925 aǵash (724 aǵash Ilınka kentindegi áskerı qalashyq aýmaǵynda, 701 aǵash «Han Shatyr» SOO aınalasynda);
- «Saryarqa» aýdanynda Tilendıev dańǵyly boıynda, Aqan seri kóshesinen Medeý kóshesine deıin 231 aǵash otyrǵyzylady.
Eske sala keteıik, ekologııalyq aılyq Astanada 13 sáýirden 13 mamyrǵa deıin jalǵasady. Bir aı ishinde qala abattandyrlyp, jasyldandyrylady, Astanadaǵy áleýmettik nysandar aýmaǵy, sonymen qatar, elordalyq saıabaqtar men shaǵyn baqtar tazalanady.
