100 mln-nan astam qyzmetker pandemııa saldarynan kedeılendi - BUU

NЬıÝ-IORK. QazAqparat – Halyqaralyq eńbek uıymynyń (HEU) jańa baıandamasynyń avtorlary COVID-19 pandemııasy saldarynan 100 mıllıonnan astam qyzmetkerdiń kedeılengenin anyqtady, dep habarlaıdy QazAqparat Birikken Ulttar Uıymynyń (BUU) saıtyna silteme jasap.

Zertteý nátıjesi 2019 jylmen salystyrǵanda álem boıynsha 108 mıllıon qyzmetker kedeı jáne qatty kedeı sanatyna jatqyzylǵanyn kórsetken. Olar jáne olardyń otbasy kúnine bir adamǵa 3,20 dollardan tómen aqshaǵa ómir súredi.

Sonymen qatar 2020 jyly 2019 jyldyń tórtinshi toqsanymen salystyrǵanda álemde jumys saǵatynyń 8,8 paıyzynyń joǵalǵany ataldy. Bul 255 mıllıon tolyq kúngi jumys ornyna teń. Esepte aıtylǵandaı, jaǵdaıdyń nasharlaýyna qaramastan, álemde jumys saǵatynyń sany jańartylmaǵan. Osy jyldyń aıaǵyna deıin áli 100 mıllıon tolyq kúngi jumys orny jetispeıdi.

Al 2022 jyly jahandyq jumyssyzdyq 205 mıllıon adamǵa jetpek. 2019 jyly bul kórsetkish 187 mıllıon bolǵan.