100 mln danaǵa jýyq jumyrtqa óndiretin atyraýlyq «Almaly qus» sýbsıdııa aldy
ATYRAÝ. QazAqparat - «Almaly qus» JShS jeltoqsan aıyna deıin 90,740 mln dana jumyrtqa óndirdi, oǵan 199,6 mln teńge sýbsıdııa bólingen bolatyn, dep habarlaıdy QazAqparat Atyraý oblysynyń Óńirlik kommýnıkatsııalar qyzmetine silteme jasap.
QR Aýyl sharýashylyǵy mınıstrliginiń 2018 jylǵy 23 shildedegi №317 buıryǵynda «Sýbsıdııalaýǵa Memlekettik korporatsııaǵa ótinim berilgen jylǵa deıin keminde eki jyl buryn paıdalanýǵa berilgen, jańa óndiristik qýattylyqtar qurýǵa nemese jumys istep turǵandaryn keńeıtýge baǵyttalǵan ınvestıtsııalyq jobalar jatady» -delingen bolatyn.
Osyǵan baılanysty oblystyq ınvestıtsııalyq sýbsıdııalaý jónindegi komıssııanyń sheshimimen «Almaly qus» seriktestigi qus fermasyn keńeıtýge oraı 2017-2018 jyldary jalpy quny 187 863 851 teńge, ketken shyǵynynyń 20% kólemine 37 572 770 teńge sýbsıdııa tólenýge sheshim shyǵaryldy, dep málimdedi Atyraý oblysynyń aýyl sharýashylyǵy basqarmasynda.
Aıta keteıik, «Almaly qus» jaýapkershiligi shekteýli seriktestiginiń jumyrtqa baǵytyndaǵy qus fermasy - 2013 jylǵy 31 jeltoqsanda Atyraý oblysy Mahambet aýdanynyń aýmaǵynda iske qosyldy. Atalǵan seriktestik alǵashqy jyly 30 mln dana, ekinshi jyly 60 mln dana, al bıylǵy jyly 100 mln dana jumyrtqa óndirýdi josparlaǵan. Jospardy 90 paıyzǵa oryndaǵan mekeme jyl sońyna deıin jumysty aıaqtap 20,3 mln teńge sýbsıdııa qarajatyn ıgerýdi kózdep otyr.
