100 myń stýdent JI boıynsha tereńdetilgen kýrstardy oqıdy

ASTANA. KAZINFORM – 100 myń stýdent jasandy ıntellekt boıynsha tereńdetilgen kýrstardy oqıdy. Bul týraly búgin Úkimet otyrysynda Ǵylym jáne joǵary bilim mınıstri Saıasat Nurbek aıtty.

- Prezıdenttiń tapsyrmasyna sáıkes AI-Sana baǵdarlamasy iske asyrylyp jatyr. Birinshi kezeńde stýdentterimizge 646 myń sertıfıkat berildi. Qazirgi tańda stýdentter 229 jasandy ıntellekt sheshimin ázirledi. Ekinshi kezeńde Jasandy ıntellekt keńesiniń múshesi Pol Kım myrza ázirlegen ázirlengen jasandy ıntellekt boıynsha tereńdetilgen kýrstardy 100 myń stýdent oqytylady. Aqpan aıynda irikteý bastalady, - dedi mınıstr.

Onyń aıtýynsha, úshinshi kezeńde 60 myń stýdent ındýstrııanyń naqty qajettilikterine baǵyttalǵan óz jobalaryn qalyptastyrady. Tórtinshi kezeńde 1 500 joba akseleratsııadan ótip, jobalaryn naryqqa shyǵarý deńgeıine deıin jetkizedi.

- 2025 jyldan bastap barlyq bilim berý baǵdarlamalaryna jasandy ıntellektini qoldaný daǵdylary engizildi. Qazirgi tańda 95 ýnıversıtet oqý josparlaryna jasandy ıntellektke qatysty pánderdi qosty. Sonymen qatar 30 joǵary oqý orny jasandy ıntellekt boıynsha 42 bilim berý baǵdarlamasyn iske asyrýda. Professorlyq-oqytýshylar quramynyń 54 paıyzy jasandy ıntellekt boıynsha biliktilikti arttyrý kýrstarynan ótti, - dedi Saıasat Nurbek.

Aıta keteıik, Qazaqstan halqyn Jańa jylmen quttyqtaǵan Memleket basshysy Qasym-Jomart Toqaev 2026 jyldy Tsıfrlandyrý jáne jasandy ıntellekt jyly dep jarııalaǵan edi.