«100 mektep, 100 aýrýhana» baǵdarlamasy úshin kim jaýap beredi? - depýtat A.Bekenov

ASTANA. 22 qarasha. QazAqparat - Búginde «100 mektep, 100 aýrýhana» baǵdaramasynyń nátıjesi oǵan salynǵan qyrýar qarajatty aqtamaıdy. Búgin QR Prezıdenti janyndaǵy Ortalyq kommýnıkatsııalar qyzmetinde ótken baspasóz máslıhatynda QR Parlament Májilisiniń depýtaty Ashat Bekenov osylaı aıtty.

Onyń aıtýynsha, densaýlyq saqtaý nysandary boıynsha atalǵan baǵdarlamanyń merzimi jyl saıyn keıinge shegerilip jatady. «Al sheneýnikter sol úshin eshbir jaýapkershilikke tartylmaıdy. Bul baǵdarlama 2011 jyly aıaqtalýy tıis bolǵan. Alaıda búginde onyń nátıjesi qyrýar qarajatty aqtamaı tur», - deıdi A.Bekenov. Depýtat atap kórsetkendeı, «100 mektep, 100 aýrýhana» baǵdarlamasy aıasynda el qazynasyna 1,5 mlrd. teńge kóleminde shyǵyn keldi. 34 qylmystyq is qozǵaldy. «Sonda árbir úshinshi nysan boıynsha bir qylmystyq is qolǵa alyndy», - dep atap kórsetti halyq qalaýlysy.