100 kúnde - 100 smartfon: Jambylda erekshe aktsııa ótip jatyr
TARAZ. QazAqparat - Jambyl oblysynda «Túbirtek talap etip, syılyq utyp al!» aktsııasy ótýde. Aktsııa aıasynda kúndelikti bir smartfon oınatylýda, dep habarlaıdy QazAqparat.
Shara barysyndaǵy 100 kún ishinde - 100 smartfon syılyqqa berilýde. Bul syılyqtardy alý úshin, dúkennen saýda jasap, basqa da qyzmet túrlerin paıdalanyp túbirtek talap etýińiz kerek. Ony «Tańdaý» mobıldi qosymshasyn ornatyp, soǵan júkteısiz.
Osylaı jeńimpaz atanǵandardyń biri - Aınur Ámirbekova. Ol kúndelikti fıskaldy túbirtegin «tańdaý» mobıldik qosymshasyna ornatyp, jeńimpaz atandy.
«Bul shara salyqtan jaltarǵan kásipkerlerdiń sanyn azaıtý maqsatynda uıymdastyrylady. Aktsııa maqsaty - tutynýshylar quqyǵyn qorǵaý. Tutynýshy árbir zatty satyp alǵan saıyn dúkennen túbirtek talap etýi tıis. Óıtkeni, ıelengen taýarynyń quny kórsetilgen túbirtek berilmegen jaǵdaıda dúken ıesi el ekonomıkasyna keri áser etetin kóleńkeli saýdany damyta túsedi», - deıdi Jambyl oblysy memlekettik kirister departamenti túsindirý jumystary basqarmasynyń basshysy Ómirzaq Ospanov.
Aıta keteıik, 1 mamyrda bastalǵan aktsııa 8 tamyzǵa deıin jalǵasady.
