100 kitap: Qazaq stýdentteri ozyq bilimdi ana tilinde alýǵa múmkindik aldy - Abaı atyndaǵy QazUPÝ rektory
ALMATY. QazAqparat - 100 kitap jobasy aıasynda qazaq stýdentteri ana tilinde ozyq bilim nárimen sýsyndaıtyn boldy. Osyndaı pikirin QazAqparat tilshisine Abaı atyndaǵy qazaq ulttyq pedagogıkalyq ýnıversıtetiniń rektory Takır Balyqbaev jetkizdi.
Onyń aıtýynsha, Elbasynyń «Rýhanı Jańǵyrý: bolashaqqa baǵdar» maqalasy aıasynda gýmanıtarlyq bilim salasyn damytýǵa asa úlken mán berilgen.
«Qazaqstan stýdentterine álemdegi eń úzdik ári ozyq bilim tájirıbelerimen daıyndalǵan oqý quraldaryn qazaq tilinde oqýyna múmkindik týyp otyr. Bul 18 oqýlyq álemde eń kóp suranysqa ıe bolǵan, birneshe márte basylyp shyqqan oqýlyqtar. Bul oqýlyqtar bizdiń stýdentterimiz ben ustazdarymyzdy álemdik ǵylym-bilim keńistigine jaqyndata túseri sózsiz. Búginde zaman talabymen týyndaǵan oqýlyqtarǵa qazaq stýdentteriniń qoly jetip jatqany úlken másele. Bul álbette, JOO-larda gýmanıtarlyq bilimniń damýyna erekshe úles qosady», - dedi Takır Balyqbaev.
Onyń aıtýynsha, Abaı atyndaǵy qazaq ulttyq pedagogıkalyq ýnıversıteti tarapynan birqatar oqýlyq aýdarýǵa usynylǵan.
«2017 jylǵy psıhologııa, ekonomıka, fılosofııa salasynan birneshe oqýlyq aýdarýǵa usynylǵan bolatyn. Onyń ishinde pedagogıka salasyndaǵy oqýlyqtar bıyl aýdarylyp, qolǵa tıedi degen úmittemiz», - dedi T.Balyqbaev.
