100 keliden astam marıhýanany saýdalamaq bolǵan Almatynyń 55 jastaǵy turǵyny ustaldy
ASTANA. 3 tamyz. QazAqparat - Shý óńirinen ákelingen 100 keliden astam marıhýanany saýdalamaq bolǵan Almatynyń 55 jastaǵy turǵyny ustaldy,
dep habarlady qalalyq ishki ister departamentiniń baspasóz qyzmetinen.
«Bizge kelip túsken jedel aqparatty muqııat tekserip, qadaǵalaýǵa tájirıbeli jedel ýákilder jumyldyrylǵan bolatyn. Almaty qalasynyń turǵyny, esh jerde jumys istemeıtin Ignat esimdi kúdikti buǵan deıin de birneshe ret esirtki qylmysyna baılanysty qylmystyq jaýapkershilikke tartylǵandyǵy belgili boldy. Qazirgi kezde esirtkiniń qalamyzǵa jetkizilý arnasy da áshkerelenip, atalǵan qylmysqa qatysty ózge de azamattar anyqtalýda», - dep málimdedi Almaty qalalyq ІІD Esirtkige qarsy kúres basqarmasynyń bastyǵy, polıtsııa podpolkovnıgi Denıs Loskýtov.
Qolǵa túskennen keıin kúdikti óz qylmysyn tolyǵymen moıyndap, óziniń aldaǵy qylmystyq josparlarymen de bólisken. Ol tún jamylyp, esirtkini kóterme saýdamen tez arada satyp jibermekshi bolǵan.
«Qazirgi tańda kúdiktige qatysty QR QK 259 baby boıynsha esirtki zattaryn saqtaǵany úshin qylmystyq is qozǵaldy. Osylaısha biz asa iri kólemdegi marıhýananyń taralý jolyn kestik» - dep atap kórsetti D.Loskýtov.
Aıta keteıik, jyl basynan beri qalalyq polıtsııa qyzmetkerleri 313 esirtki qylmysyn áshkereledi. Zańsyz aınalymnan 300 keli, onyń ishinde 237 keli marıhýana, 27 keli gashısh, 12 keli geroın, 87 keliden asatyn basqada esirtki zattary alyndy.
