«100 qadam» Ult josparyn júzege asyrýǵa qarjynyń basym bóligi sheteldik ınvestorlardan keledi - Q. Jaqypov
«Qazirgi tańda elimizde Memleket basshysy bastamashylyq jasaǵan «100 naqty qadam» baǵdarlamasy júzege asa bastady. Buǵan mysal retinde zańdardyń ústemdik qurýyna baǵyttalǵan zańnamalar toptamasynyń Parlamentpen qabyldanǵanyn atap ótýge bolady. Búgingi kúni azamattardyń sotqa jáne sol arqyly tutastaı memleketke senimin nyǵaıta túsetin sot júıesin qurýdyń strategııalyq mindeti sheshimin tabýda. Osy tusta, Qazaqstan tikeleı sheteldik ınvestıtsııa tartýdan TMD elderinde kóshbasshy bolyp tabylatynyn da aıta ketkim keledi», - dedi Q. Jaqypov.
Sonymen qatar, Májilis Tóraǵasy elimizdiń ınvestıtsııalyq jáne týrıstik áleýetin kóterý úshin Úkimet qaýlysymen vızasyz rejim tártibi álemniń ekonomıkasy damyǵan 20 eline deıin arttyrylǵanyn atap ótti. «Toqtala ketetin jaıt, «100 qadam» Ult josparyn júzege asyrýǵa qarjylyq salymnyń aıtarlyqtaı aýqymdy bóligi sheteldik ınvestorlardan keledi. Sondyqtan da, bizdiń elimiz sheteldik ınvestorlar múddesiniń qorǵalýyn kepildendirýi kerek», - dedi spıker.
