«100 qadam» Ult josparyn júzege asyrý aıasynda ádilsot ınstıtýty engiziledi
«Sot júıesi aldynda jańa aýqymdy mindetter tur. Memleket basshysynyń tapsyrmasyna sáıkes, «100 qadam» Ult jospary aıasynda sot qurylysy men sot isin júrgizýdi túbegeıli jańǵyrtý kózdeledi. Elbasy usynǵan reformanyń negizgi tujyrymdary Jańǵyrtý jónindegi ulttyq komıssııada qoldaý tapty. Sonyń ishinde sottyń úsh satyly júıesine kóshý, Joǵarǵy sotta ınvestıtsııalyq ister jónindegi mamandandyrylǵan alqa qurý, Halyqaralyq konsýltatıvtik keńes qurý josparlanyp otyr. Sýdıalardy irikteýde de salmaqty reformalar kútip tur. Máselen, sýdıalyqqa úmitkerdiń jasyna qatysty qoıylatyn talap kúsheıedi, úmitkerler úshin sot isin júrgizýge bes jyldyq jumys ótiliniń bolýy týraly talap engiziledi. Jeke kepildik berý ınstıtýty iske qosylyp, jańadan taǵaıyndalǵan sýdıalar úshin bir jyldyq synaq merzimi engiziledi», - dep atap ótti Qaırat Mámı.
Tóraǵanyń aıtýynsha, QR Joǵarǵy sotyna qarasty ádilsot ınstıtýtyn engizý de kózdeledi. Onyń jumysyn úsh baǵytta órbitý josparlanyp otyr, bular: magıstratýra, is basyndaǵy sýdıalardyń biliktiligin arttyrý jáne ǵylymı-zertteý blogy.
«Іs basyndaǵy sýdıalarǵa qoıylatyn talaptar da kúsheıedi. Sot qazylary quramynda tártiptik jáne biliktilik alqalary qyzmet etedi. Budan bólek, jańa eńbek zańnamasynyń tujyrymdamasyna sáıkes, eńbek daýlaryna qatysty mamandandyrylǵan sottardy qurý týraly usynys qoldaý tapty. Búgingi kúni buǵan qatysty zań jobasy ázirlený ústinde. Bul jumystardy biz qyrkúıek aıyna deıin aıaqtaýǵa tıispiz», - dedi Q.Mámı.
