100-ge jýyq shymkenttik arnaýly áskerı jıynǵa qabyldandy

ShYMKENT. QazAqparat - Shymkentte 100-ge jýyq turǵyn arnaýly áskerı jıynǵa qabyldandy. Beıbit kúni áskerıler sapyna qosylǵan sarbazdar qalada zalalsyzdandyrý jumysyn atqarmaq, dep habarlaıdy QazAqparat tilshisi.

Qalalyq tótenshe jaǵdaı shtabynyń málimetinshe, sarbazdar sanıtarlyq buǵattaý beketterine kómektesetin bolady.

«Sarbazdar qaladaǵy 25-ten 4 aýdanǵa bólindi. Olar eki kún boıy zalalsyzdandyrý jumystaryna kómektesedi. Sarbazdardy tasymaldaý men tamaq máselesi sheshilgen», - dep atap ótti qala ákiminiń orynbasary Almasbek Mamytbekov.

Aıta keteıik, tótenshe jaǵdaı kezinde ásker qataryna 35 jasqa deıingi azamattar tirkeýge alynǵan. Shymkent qalalyq áskerı komıssarııatynda arnaıy medıtsınalyq komıssııa jasaqtalyp, úmitkerler saraptamadan ótken. Synaqtan ótken zapastaǵy sarbazdar tótenshe jaǵdaı ýaqytynda ásker qatarynda bolady. Turaqty jumysy bar erikti sarbazdardyń aılyq jalaqylary da saqtalady.