100-ge jýyq sheteldik BAQ ókilderi qazirden-aq kezekten tys prezıdenttik saılaýǵa baıqaý júrgize alady - QR OSK

ASTANA. QazAqparat - 100-ge jýyq sheteldik BAQ ókilderi qazirden-aq kezekten tys prezıdenttik saılaýǵa baıqaý júrgize alady. Bul týraly búgin QR Ortalyq saılaý komıssııasynyń múshesi Marat Sársenbaev málim etti.

«Qazirgi ýaqytta biz QR Syrtqy ister mınıstrligimen birlesip, elimizdegi saılaýdy halyqaralyq baıqaýshylar ınstıtýtyn ashtyq», - dedi ol.

Onyń atap ótýinshe, qazirgi ýaqytta halyqaralyq baıqaýshylardyń basym bóligi daıyndyq ústinde.

«ıAǵnı, sáıkesinshe qujattaryn, basqa da sharalardy rásimdeý ústinde. Degenmen, bizde QR Syrtqy ister mınıstrligi deńgeıinde akkredıttelgen shamamen 100-ge jýyq sheteldik buqaralyq aqparat quraldarynyń ókilderi bar. Zańǵa sáıkes, atalǵan jýrnalıster elimizde akkredıttelgendikten, búgin-erteńnen bastap-aq saılaý barysyn halyqaralyq deńgeıde baıqaýǵa kirise alady. Eshqandaı shekteý joq», - dedi M.Sársenbaev.

Onyń sózine qaraǵanda, Ortalyq saılaý komıssııasy EQYU, TMD jelisi arqyly keletin baıqaýshylardy tirkeıdi.