100-ge jýyq adam terrorıster shabýylynyń qurbany boldy
ASTANA. QazAqparat - Qytaıdyń soltústik-batysyndaǵy Shyńjan-Uıǵyr avtonomııalyq ólkesinde lańkestik shabýyl saldarynan ajal qushqan adamdar sany 96-ǵa jetti, dep habarlaıdy Ifeng qytaılyq ınternet-basylymy.
Aıta keteıik, polıtsııanyń habarlaýynsha, dúısenbi kúni pyshaqpen qarýlanǵan top Shache ýezindegi Elıshký qalasynda polıtsııa ýchaskesi men úkimettik mekemelerge shabýyl jasaǵan edi. Olardyń endi bir toby kórshiles Hýandı qalasynda kóshedegi adamdardy atqylap, joldarynda kezikken avtokólikterdi otqa oraǵan. Senbi kúni ótken jergilikti partııa komıtetiniń jınalysynda 37 beıbit turǵyndar men 59 shabýyldaýshy qurban bolǵany, taǵy 13 beıbit turǵynnyń jaralanǵany aıtyldy. 31 kólik zaqymdalyp, 6 avtokólik órtengen. Polıtsııa terrorıstik áreketterge qatysy bar degen kúdikpen 215 adamdy tutqynǵa aldy.
