100-den astam qazaqstandyq qarjy pıramıdasyna aldanyp qaldy: Agenttik úndeý jasady
QR Qarjylyq monıtorıng agenttigi Pavlodar oblysynda bir jyldan kem ýaqyt buryn qurylǵan qarjylyq pıramıda belgileri bar «Lıder Kapıtal 168» MQU JShS-niń qyzmetiniń jolyn kesti.
Az ýaqyt ishinde uıymdastyrýshylar 100-den astam senip qalǵan azamatty salym somasynyń 10%-y kóleminde aı saıynǵy kiris alý shartymen qyzmetine tartyp úlgirgen. Qazirgi ýaqytta alaıaqtyq shemaǵa tartylǵan basqa azamattar anyqtalýda.
Qarjy pıramıdasyn qurý deregi boıynsha sotqa deıingi tergeý isi qozǵaldy.
«Qurmetti azamattar! QR Ulttyq Bankiniń túsinik berýine sáıkes, Qazaqstan aýmaǵynda turǵyndardan aqsha tartýmen ýákiletti organ bergen lıtsenzııa negizinde ekinshi deńgeıli bankter men Ulttyq poshta operatorlary ǵana aınalysa alady.QR Qarjylyq monıtorıng agenttigi kúmándi kompanııalarǵa qarajatty salýdan bas tartýǵa shaqyrady», - delingen agenttik habarlamasynda.