100-den astam erekshe kútimdi qajet etetin bala Býrabaıda mádenı oshaqtardy tamashalaýda
«Bizdiń qorymyz 2009 jyldan beri jumys isteıdi. Biz erekshe kútimdi qajet etetin balalardy tárbıeleımiz. Jyl saıyn 1 maýsym — halyqaralyq balalardy qorǵaý kúnine oraı balalardy Býrabaıǵa demalysqa, mádenı oshaqtardy kórsetýge alyp kelemiz. Pandemııaǵa baılanysty sońǵy 2 jyl úzilis boldy. Mine, bıyl balalardy merekege oraı qýantýdyń taǵy sáti túsip otyr. Jalpy erekshe kútimdi qajet etetin balalarmen jumysty sonaý 2003 jyly Kókshetaýdan bastadyq. Sodan beri aýdandyq, oblystyq jáne respýblıkalyq deńgeıde túrli shara uıymdastyryp kelemiz. Bizge negizinen jeke demeýshiler kómektesedi. Ár balanyń ózindik ereksheligi bar, kútim kerek. Olardyń deni úıden shyqpaıdy, ata-anasynyń qaraýynda», - dedi «Qulynshaq» erekshe balalarǵa arnalǵan qaıyrymdylyq qorynyń jetekshisi Amangeldi Qaıyrbekov.
Merekelik shara aıasynda astanalyq balalar Býrabaıda birneshe oryndy aralap, tamashalap jatyr. Onyń qatarynda «Botaı-Býrabaı» tarıhı mýzeıi, «Abylaı han» alańy, mýltımedıalyq ınteraktıvti keshen jáne «Býrabaı damý» vızıt ortalyǵy bar.
«Balalardyń dıagnozy ártúrli. Atap aıtqanda: aýtızm, daýn sındromy, astma jáne arbaǵa tańylǵandar. Balalardyń búgingideı taza aýa, tabıǵat aıasynda bolýy olarǵa oń serpin beredi. Býrabaıǵa 107 bala ata-anasymen birge keldi. Merekelik baǵdarlama balalar men ata-analardyń kóńilinen shyǵady degen oıdamyz», - deıdi ol.
Sondaı-aq, sapar barysynda balalar dárigeri de qarastyrylǵan. Kómek kerek bolǵan jaǵdaıda medıtsınalyq mamandar daıyn.
«Meniń 8 balam bar. 5 qyzym, 3 ulym bar. 2 erekshe kútimdi kerek etetin balam bar, olar 2017 jyldan bastap «Qulynshaq» qaıyrymdylyq qorynyń qamqorlyǵynda. ıAǵnı bir balam aýtızmmen aýyrady, ekinshi balamnyń birneshe dıagnozy bar. Qor balalarymyzǵa únemi qamqorlyǵyn kórsetip, túrli is-shara uıymdastyryp turady. Búgingi demalysqa da balalar qýana-qýana keldi. Unap jatyr», - dedi Zýlfııa Tileýova.
Aıta ketsek, atalǵan shara «Qulynshaq» qorynyń uıytqy bolyp, Qazaqstan Respýblıkasy Prezıdentiniń is basqarmasynyń qoldap, uıymdastyrýymen ótip jatyr.
