100-den astam elordalyq medqyzmetker shetelde tájirıbe shyńdaıdy
ASTANA. QazAqparat - Elordada medıtsına salasynda jumys isteıtin 8 myńǵa jýyq qyzmetkerdiń bilimin arttyrý josparlanyp otyr. Bul týraly halyqqa esep berý kezdesýinde Astana qalasynyń ákimi Áset Isekeshev málim etti, dep habarlaıdy «QazAqparat» HAA tilshisi.
«Medıtsına salasynda kadrlyq salany damytý úshin 8 myńǵa tarta medıtsınalyq qyzmetkerdi oqytý kózdelýde», - dedi qala ákimi.
Áset Isekeshevtiń aıtýynsha, buǵan qosa medıtsına salasyndaǵy úzdik mamandar álemniń ozyq elderinde tájirıbesin shyńdaıtyn bolady.
«105 maman Ońtústik Koreıa, Izraıl, Reseı, Fınlıandııa men Germanııa elderiniń úzdik klınıkalarynda tájirıbesin arttyrady. Sonymen birge, medbıkelerdi Nazarbaev Ýnıversıtetiniń Medıtsına mektebinde oqytý kózdelip otyr. Bul qadam medıtsınalyq personaldyń kómek kórsetý deńgeıine qosymsha serpin beredi», - dedi ákim.
Foto: medvestnik.ru
