100-den astam álemdik kompanııa ózbek maqtasyna boıkot jarııalady
ASTANA. 3 qarasha. QazAqparat - Álemdik 100-den astam kıim óndirýshi kompanııalar Ózbekstan maqtasyn satyp alýǵa boıkot jarııalady.
Álemdik brendterdiń mundaı qadamǵa barýyna Ózbekstanda bala eńbeginiń qanalýy sebep bolyp otyr, dep habarlaıdy «Azattyq».
Jumysshylardyń quqyqtaryn qorǵaıtyn kalıfornııalyq Responsible Sources Network uıymynyń dırektory Patrısııa Djýrevıchtiń aıtýynsha, Wal-Mart, JCPenney, American Eagle jáne Zara sııaqty tanymal kompanııalar baıkotqa qoldaý bildirgen.
Djýrevıch bıyl Ózbekstan prezıdenti Islam Karımov maqta alqaptarynda balalardyń jumys isteýine tyıym salatyn jarlyq shyǵarǵanyna qaramastan, 15 pen 18 jas aralyǵyndaǵy balalar áli de maqta alqaptarynda eriksiz jumys isteýge májbúr bolyp otyrǵanyn aıtady.
