100 bala qaıyrymdylyq sharaǵa qatysty (FOTO)
ALMATY. QazAqparat - QR Ortalyq mýzeıi Halyqaralyq balalardy qorǵaý kúnine oraı aýyr dertke shaldyqqan balalarǵa qaıyrymdylyq shara uıymdastyrdy.
Mədenı uıym sońǵy 15 jylda balalar meıramyn nazardan tys qaldyrǵan emes.
Mýzeıde ótip jatqan "Meniń otbasym" mereksi týraly QR Ortalyq mýzeıiniń mədenı-aǵartý ortalyǵynyń qyzmetkeri Tatıana Kozýb aıtty.
"Bul sharaǵa qaterli dertke shaldyqqan, júrek qan-tamyrlary aýrýlarymen aýyratyn, sondaı-aq múmkindigi shekteýli balalardy shaqyrdyq. Qoǵam mundaı meıirimge muqtaj jandardy nazardan tys qaldyrmaýy kerek. Halyqaralyq balalardy qorǵaý kúni úlkenderdiń búldirshinderge barynsha nazar aýdaryp, olardyń pikirine bir mezet kóńil bóletin kúni",- dedi ol.
Búgingi merekege «Altyn-Kól» qaıyrymdylyq qorynyń 100 búldirshini shaqyryldy.
"Túrli əleýmettik uıymdardyń tərbıelenýshileri osy jyly júzdesýdi jyldar ótken soń da jylylyqpen eske alyp, ómirde beıimdelýine septigin tıgizse ol da úlken jetistik. Mýzeı qyzmetkerlerinińde kózdegeni sol",- dedi T.Kozýb.
