100 adam qaza boldy: Irakta toı kezinde zardap shekkender sany 500-ge jetti
Iraktyń soltústigindegi Mosýl qalasynda úılený toıy kezinde shyqqan órtten 100 adam qaza taýyp, 500-ge jýyq adam zardap shekti. QazAqparat bul týraly Anadolu-ǵa silteme jasap habarlaıdy.
Málimetti jergilikti BAQ-qa Mosýl densaýlyq saqtaý departamentiniń ókili Ahmed Hamdanı aıtqan.
Buǵan deıin habarlaǵanymyzdaı, qaıǵyly jaǵdaı Hamdanııe aýdanynda toı kezinde boldy. Órt otshashýdan shyǵýy yqtımal. Zalda 800 adam otyrǵan. Bastapqyda zardap shekken 150 adam týraly málim etilgen edi.
Qazir oqıǵa ornynda tótenshe jaǵdaılar qyzmeti jumys istep jatyr.
Aımaqqa eldiń ishki ister mınıstri Abdýlemır Shammarı keledi dep kútilýde.
Áleýmettik jelidegi kadrlardan órt jas jubaılar bılep jatqan kezde bastalǵanyn kórýge bolady.
